தாத்தாவும் அப்பாவும்
வாழ்ந்த வாழ்க்கை
என்னிடமில்லைத்தான்!
தாத்தா
பால் தயிரும் வரகரிசி எனவெல்லாம்
வாய் நிறையத் தின்றார்கள்.
அப்பா
தேயிலை கோப்பியும்
கோதுமையும் பாணுமாய்
குறைவற்றுத் தின்றார்கள்.
எனக்கு நிவாரண *அம்மாப் பச்சைதான்!
சிலவேளை அதுவுமில்லை.
தாத்தா நாற்சார வீட்டில்.
அப்பா சீமெந்து வீட்டில்.
இன்றெனக்கோ வீடில்லை.
அகதி முகாமே சொந்தமென.
தாத்தா மலாயன் பென்சனியர்
அப்பா அரசாங்க பென்சனியர்
எனக்கென்று ஒன்றுமில்லைத்தான்!
தாத்தா வெள்ளையனுக்கு அடிமை.
அப்பா சிங்களவனுக்கு அடிமை.
நானோவெனில் யாருக்குமில்லை.
வெளிச்சம் ஐப்பசி 1994
* இடம் பெயர்ந்த மக்களுக்காக வழங்கப்படும் இறக்குமதி செய்யப்பட்ட ஒருவகை பழுப்பு வெள்ளை அரிசி.அதிகம் விரும்பி உண்ணப்படுவதில்லை.
No comments:
Post a Comment